اخر كتاباتي واعترافاتي عن قصة حياتي

السلام عليكم ورحمة الله وبركاته


شباب حبيت احجيلكم عن نفسي شويه راح ابدي بشخصيتي انا انسان بسيط من عائله بسيطه ومحافضه لتقاليدها وملتزم بكل افكار العائله عدى شيء واحد هو حرية الفكر يعني افكر عكس ما همه يفكرون ما اتقيد بقوانين العائله ابد وخاصه من ناحية الفكر انا انسان محب الخير لكل الناس اوتمنى اشوف الناس كلها بخير وامان احزن على حزنهم وافرح لفرحهم لكن اختلف عنهم بشي واحد انو محد يحزن على حزني ولا احد يفرح بفرحي احساسي اتجاهم ومشاعري بيهم ما تنوصف لكن ما فد يوم شفت واحد حس بيه ابد وكالي شبيه ما بيه ما فد يوم واحد كلي شمحتاج ما محتاج لان اني اريد من الله سبحانه وتعالى مو من البشر والي يجيني من الله سبحانه وتعالى اتقبله بكل رحابة صدر كلبي ويه الناس ابيض من الثلج صافي النيه والي بكلبي على لساني مو احمدلكم نفسي ( لان من حمد نفسه ذمها ) بس هذا اني وهذا طبعي والله يشهد على كل كلمه اكولها كلت من صفاتي محب للناس كلها ولكن ( حبي الوحيد هو انسانه التقيت بيها قبل سنه قصة لقائي بيها كانت لعبه نلعبها اني واصدقائي انو نشوف وحده على النت والي يصارحها اول واحد ويوكعها ويضحك عليها راح يكون هو الملك طبعا اني اول واحد تعرفت على بنيه بس بمرور الزمن هاي البنيه كمت احبها من صدك وبكل مشاعر واحاسيس لان جانت تصير بيناتنه صدف ما ادري شلون دا تصير لحد ما وصلت انو اني ويها نكتب نفس الكلام وبنفس اللحظه مو بس كلمه او كلمتين وانما صارت الصدف بيناتنه نكتب نفس الجمله ما يختلف بيها لو حرف واحد ومره من الصدف اني دزيت اغنيه الها وهيه دزت اليه اغنيه وبنفس اللحظه تطلع نفس الاغنيه الي اني دزيتها هيه دزتها اليه وغيرها وغيرها بعد المهم استمرت علاقتي بيها لحد هسه ولحد هسه اني مو بس احبها وانما مستعد اضحي بروحي الها لان هيه الوحيده الي تحس بيه وتشاركني افكاري بنفس المشاعر كلبها طيب بعد اطيب من كلبي اني وعلى نياتها وتحبني بعد اكثر من ما اني احبها بس اني بالعراق وهيه بغير دوله هسه جنت اتمنى اوصللها ولحد هسه ان شاء الله اوصللها لو اخر يوم بعمري طبعا هاي البنيه من عائله محترمه جدا ومعروفه جدا على مستوى مدينه كامله بالعراق واهلها من الناس الطيبين والمحافظين جدا المهم لحد هاي اللحظه اني علاقتي بيها ويوم عن يوم يزيد حبي واعجابي بيها وصلت لحد انو اذا ما اسمع صوتها او احجي وياها اتمرض اذا يجي يوم ما اطمن عليها اصير بحاله هستريه فضيعه واكلب البيت جحيم واني قطعت وعد بيني وبين الله سبحانه وتعالى انو لا احب ولا راح احب بعد هاي البنيه واني ادري انو تفكيري غلط بس هذا اني وهذا تفكيري لان لو هاي البنيه لو حياتي تنتهي والله لا يكولها ولا يحرمني منها ابد ولا يحرمها مني لان هاي البنيه غيرت حياتي من شكل الى شكل ثاني شكد جنت مأيس من الحياة هاي البنيه خلتني احب الحياة واتمسك بيها وبكل قوه لان صارت بالنسبه اليه روحي وكلبي وعقلي واهلي وناسي والدنيا هاي كلها والله يحفضها ن كل مكروه يا رب ويحفضكم انتو همين لان انتو عزيزين عليه شما تصورون لان صرتو عائلتي الثانيه واحترمكم واحبكم كلكم والله لا يحرمني من دعوتكم اليه يا رب احتمال انتو ما تعرفوني بعد مجرد معرفة منتدى بس ان شاء اني عند حسن ضنكم وحبيت اكول لحبيبي وعزيزي وصديقي شاهر الورده انو انت اعز صديق قابلته بحياتي وان شاء الله موفق يا شاهر الورد وانتو همين صرتو اصدقائي واني ان شاء الله مو فد مره راح انقطع عن المنتدى هيه فتره وتعدي ان شاء الله ( لضروف خاصه ؟ )
اعذروني ادري طولت بكلامي عليكم
وهاي اغنيه ويه موضوعي هديه الكم ولا تنسوني وادعولي بالخير واني همين اكولكم الله يستر عليكم ويوفقكم دنيا واخره

مع تحياتي لكم جميعا < br>
http://www.2shared.com/file/2508951/2caf680e/pd_online.html

وااااااااااااو

اولا مشكور على الموضوع الشخصي جدا
ثانيا
الله يخليك الها وتلتقي بيها في يوم من الايام
والله يوفقك يارب


اسفة على التدخل

اني الي اشكرج اختي على دعوتج اليه والله يوفقج يا رب

تسلم اخي

اخي الله يوفقك وان شاء الله يارب تلتقي بيهه
ويارب الله يخليكم لبعض واكيد بيوم من الايام راح تلتقون
والله مااعرف بعد شكلك