ضنيتك جبل متخاف
من ألريح
وتقدر عذابي وحيرة
الدمعة
شو نسمة هوه خلتك
جوه ألكاع
وينك يا جبل يلي
وكعتك وكعة
متغير إذا تتغير
أحجي وياي ؟
مو قصدي أدور وياك
خط رجعة
لأن يكفي ألكلب
متعقد ومهموم
لان شاف الجبير
يكتل بربعة
تره ألدنيه سراب تعدي
مثل الريح
لتغرك جبيره وزاهيه
وسعة
لا توعد جذب ودور
عكس الكاع
وعلى ورقه تكول
ابنيتلك قلعة
الجمعة التجي الكاك
كلت بشوك
موعده شهر مذكرت
جمعة ؟
تره ألانسان مو زينه
ولبس للناس
صدكني موده وموقف
وسمعة
أخذ هذا المثال
وركز بإمعان
واحد ضن يسوي من
الجذب سلعة !
كاعد بألضلام وعنده
شمعة تنور
من شاف الصدك طفه
ضوه الشمعة
ليغرك كلام الناس
الحجي أشكال
إذا تخبط كلام اتعوفه
متجرعة
كل واحد طعم كلمن
يضن أستاذ
لو ترجع عليهم كلمن
وطبعة
سويلك طريق وأمشي
بي بإخلاص
لا يا هو اليصيحك تركض
ابسرعة
صدكني جميل وبيك
حسن الناس
متخاف الكلام الكاعد
أتسمعة
تقبلو تحياتي