كلشي يصير ضدي بزعلك وياي
وتصاحبني تضل بس المنية
ضدي يصير كلبي وروحي والناس
وتصير وياك حتى اني علية
اتخايلك ميت واكعد ارثيك
واموت بصفنتي وابقة ارثي بية
خطية وداعتك بالفركة ضليت
واجت تبجي علي حتى الخطية
اريد عيونك اني وكلشي ما اريد
واذا بس الرمش هم هاي هية
امد ايدي علة ايدي بساعة الشوك
واتلمس دمع بعيون ادية
كتلك هاي هية والله وياك
وغلط لا تفتهمهة الهاي هية
اذا جنت بوعي من حقك تلوم
بس اللا وعي بالارجحية
كلتهة واني يمك ما درت بال
الوعي يمك يصير بلا وعية